“Şahdağ Qusar”ın rəhbəri Rahid Əmirquliyev qış transfer dövrünün mürəkkəbliyindən danışıb. O qeyd edib ki, əksər oyunçuların qüvvədə olan müqavilələri transfer işlərini çətinləşdirir. Buna baxmayaraq, klub həm heyəti gücləndirməyi planlaşdırır, həm də bəzi futbolçularla yollarını ayırmağa hazırlaşır.
Komandanın hücumçusu Ruslan Voronsovun vəziyyətinə aydınlıq gətirən prezident, onunla maraqlananların olduğunu təsdiqləyib. Əmirquliyev bildirib ki, bombardir futbolçu üçün rəsmi və ciddi bir təklif gələrsə, onun gedişi müzakirə oluna bilər. Hazırda turnir cədvəlində 8-ci yerdə olan komanda üçün Voronsovun qalıb-qalmayacağı hələ dəqiqləşməyib.
