“Liverpul”un keçmiş baş məşqçisi Yurgen Klopp “Real Madrid”də də oxşar vəzifə tuta bilər.
Bu barədə jurnalist Florian Plettenberq məlumat verib.
Onun sözlərinə görə, alman menecer “Los Blancos”da işləməyi nəzərdən keçirməyə hazırdır.
“Real Madrid” özü Kloppu özünün prioriteti hesab edir.
Xatırladaq ki, bu həftə paytaxt klubu ötən yay komandaya rəhbərlik edən Xabi Alonsonun ayrıldığını elan etdi. Alvaro Arbeloa hazırda “Real Madrid”in baş məşqçisidir.
“Real Madrid” İspaniya çempionatının cədvəlində 19 oyundan 45 xalla ikinci yerdədir.
