“Milan” klubu “Liverpul”un 28 yaşlı müdafiəçisi Co Qomezə maraq göstərir. Mersisayd təmsilçisi ingilis futbolçunu satmaq niyyətində deyil.
“Calciomercato” məlumat yayıb.
Məlumata görə, İtaliya nəhəngi eyni zamanda “Nottingem Forest”in 23 yaşlı mərkəz müdafiəçisi Murillonu da izləyir. Lakin hazırda braziliyalı futbolçunun transferi ilə bağlı hər hansı rəsmi danışıqlar aparılmayıb.
İtaliya çempionatında 17 turdan sonra “Milan” 38 xal toplayaraq turnir cədvəlində ikinci yerdə qərarlaşıb.
