Futbol dünyasında bir iyerarxiya var və “Çelsi” öz maliyyə gücü ilə bu zəncirin yuxarı pillələrindədir. “Çelsi”nin sahibi olan “BlueCo” konsorsiumunun həm də Fransanın “Strasburq” klubuna rəhbərlik etməsi, London təmsilçisinin işini asanlaşdırır. Ötən sentyabrda “Strasburq”un ulduzu Emmanuel Emeqanı transfer edən “Çelsi”, indi də onların baş məşqçisi Liam Rozenyoru “oğurladı”.
“Strasburq” azarkeşlərinin qəzəbi Rozenyorun mövsümün ortasında, komanda həm yerli liqada, həm də Konfrans Liqasında uğurla mübarizə apardığı bir vaxtda gedişi azarkeşləri hiddətləndirib. Fransız fanatlar bu vəziyyəti “təhqir” adlandırır və klub prezidenti Mark Kellerin istefasını tələb edirlər. Onlar hesab edirlər ki, “Strasburq” sadəcə “Çelsi”nin maraqlarına xidmət edən ikinci dərəcəli bir kluba çevrilib.
Rozenyor uğur qazana biləcəkmi? 41 yaşlı Rozenyor “Çelsi” ilə 6.5 illik nəhəng bir müqavilə imzaladı. Lakin Premyer Liqanın təzyiqi tam başqadır. Enzo Mareskanın gedişindən sonra o, dərhal Çempionlar Liqası və yerli kubokların olduğu ağır bir təqvimə daxil olur.
Rozenyor müasir futbolun ən istedadlı gənc məşqçilərindən biri hesab olunur və bu sahədə qaradərili məşqçilər üçün bir növ yol açan şəxsdir. Lakin “Çelsi”dəki uzunmüddətli müqavilələr çox vaxt kağız üzərində qalır.
Nəticə “Strasburq” boş qalan yerini tez bir zamanda Qari O’Nil ilə doldurdu. Lakin bu transfer “çoxklublu model”in kimə xidmət etdiyi sualını yenidən gündəmə gətirdi. Əgər bu gedişat uğursuz olarsa, həm London, həm də Strasburq təmsilçisi üçün vəziyyət daha da gərginləşəcək.
